Boendoe-kos vir die Afrika-bos is as't ware die nutsman van resepteboeke! As jy van die buitelewe hou, is hierdie boek beslis vir jou. Die resepte is noukeurig uitgesoek om die uitdagings van kampeer in die boendoe te oorbrug sodat jy al die nodige bestanddele in jou 4 x 4-voertuig kan laai.
Al die resepte kan oor die kole, of oor 'n gasstoof voorberei word. Deur die jare het 4 x 4-safaritoerusting merkwaardig ontwikkel en deesdae besit die meeste kampeerders 'n klein kamp-yskas of -vrieskas. Dit beteken dat 'n groter verskeidenheid kos voorberei kan word en jy nie meer op soja of blikkieskos hoe staat te maak nie. Jy hoef ook nie 'n beroemde sjef te wees om hierdie geregte voor te berei nie - dis smaaklik, maar net so maklik om te maak!
Hierdie resepte is deur verskeie mense getoets, aangesien dit reeds in die WegRy/DriveOut-tydskrif verskyn het. Boendoe-kos vir die Afrika-bos stel jou in staat om selfs op safari soos 'n bobaas-sjef te kook en enige iets van slaaie, tot moussaka, tot selfs roomys te bedien.
Sprache
Verlagsort
Verlagsgruppe
Penguin Random House South Africa
Dateigröße
ISBN-13
978-1-4323-0264-1 (9781432302641)
Copyright in bibliographic data and cover images is held by Nielsen Book Services Limited or by the publishers or by their respective licensors: all rights reserved.
Schweitzer Klassifikation
Rita van Dyk is die skrywer van verskeie topverkoper-buitelugkookboeke, waaronder Die 4x4 Kookboek, Die 4x4 Safari Kookboek and Boendoe-kos vir die Afrika-bos. Sy is die regte persoon om oor Safari-kookkuns te skryf, aangesien sy tydens die vroee 1990's op 'n vryskutbasis vir Penduka Safari's gekook het terwyl hulle na afgelee plekke in Botswana, Namibie en Zimbabwe gereis het. Sy was ook vir drie jaar die kosskrywer vir WegRy/DriveOut-tydskrif.
Kampkombuis-paklys; 10-dae Spyskaart in die bos; Ontbyt; Sop; Vis en seekos; Hoendergeregte; Vleisgeregte; Souse; Pasta; Vleislose hoofgeregte; Groente; Slaaie; Bykosse; Brood en ander gebak; Nagereg en soetighede.
