Abadala bathi isizwe yisizwe ngamasiko aso. Kube kanti njalo isizwe yisizwe ngamaKhosi aso langamaqhawe aso kanye langembali yaso. Kusenjalo ngesizwe samaNdebele akweleZimbabwe. Ekadeni kusadliwa ngoludala bekuhlatshelwa ingoma ezifana lale ethi;
'Kudala kwakungenje,
Kwakubusa uMambo loMzilikazi,'
Kube kanti ngempi yenkululeko eyokusunduza abancindezeli babamhlophe abaseRhodesia uMthwakazi ubecula ethi;
'Lizwe ngobani na?
Sizwe ngoNkomo..'
Kuthi kusenjalo ngemva kukazibuse oka1980 isizwe sikaMthwakazi sehlelwa yisiga esibi eseKhukhula. Abanengi bafa. Abanengi bacatsha. Sekuze kulalamumhlanje singazi lapho bakhothamela khona. Bamane badliwa zinyoni zasendle lamakhanka emahlathini. Indaba le isegudwini ebantwini bakaMthwakazi ngalesi sigameko.
UMthembo wethulela isizwe izibongo lezinkondlo ngamakhosi lamaqhawe esizwe sikaMthwakazi langeziphithiphithi zeKhukhula ezama1980's. Ezinye ngezigoqela okutshiyeneyo ngempilo jikelele.
IsiNdebele esiqotho sithi ukuzwa yikuncitshwa sibuye futhi sithi imbila yaswela umsila ngokulayezela.
Ilanga laphuma lendaba latshona lendaba. Woz' ungene!
Sprache
Verlagsort
Produkt-Hinweis
Maße
Höhe: 203 mm
Breite: 127 mm
Dicke: 3 mm
Gewicht
ISBN-13
978-1-4259-6570-9 (9781425965709)
Copyright in bibliographic data and cover images is held by Nielsen Book Services Limited or by the publishers or by their respective licensors: all rights reserved.
Schweitzer Klassifikation
