Kunterbuntes ut Meckelborg

Mien Reis nah Kühlungsborn / 2006
Ach wi häf ick mi up mienen Besök in Kühlungsborn
freut. Ick wier ok lang nich mihr in miene olle Heimat
west, un dormit würd dat Heimweh gröter.
Mannigmal häf ick an de witten Strände, de grönen
Böhm un nich tauletzt an de Inwohners - mit so
richtig olen Typen - dacht. Un up dat Plattdütsche,
wie lang har ick dat nich mihr hüren un ok nich
spräken künnt.
Un so käm ick nu wissbegierig un vuller Erwartung an
mien Reiseziel an. Uns Wünsche, dat künnen wi
gliksens faststellen, wurden vull erfüllt. Wi harn
genau int Ziel dropen. Do wiern nu de witten
Strände, de grönen Böhm un saubere Hüsings, so as
wi uns dat dacht harn.